ਡਾਲਸ, ਟੈਕਸਸ - ਭੂਸ਼ਨ ਅਥਲੇ, 49 ਸਾਲਾ, ਡਾਲਸ ਦਾ ਰਹਿਣ ਵਾਲਾ ਹੈ,ਉਸ ਨੂੰ ਸਿੱਖ ਫਾਰ ਜਸਟਿਸ ਨੂੰ ਹਿੰਸਕ ਧਮਕੀਆਂ ਭਰੇ ਫੋਨ ਕਰਨ ਦੇ ਮਾਮਲੇ ਵਿੱਚ ਫੈਡਰਲ ਅਪਰਾਧਾਂ ਲਈ ਦੋਸ਼ੀ ਠਹਿਰਾਇਆ ਗਿਆ ਹੈ। ਉਸ 'ਤੇ ਇੱਕ ਖ਼ਤਰਨਾਕ ਹਥਿਆਰ ਦੀ ਧਮਕੀ ਦੇਕੇ ਸਵਿਧਾਨ ਦੁਆਰਾ ਦਿੱਤੀ ਗਈ ਅਜਾਦੀ ਵਿੱਚ ਦਖਲ ਦੇਣ ਅਤੇ ਇਕ ਅੰਤਰਰਾਜ਼ੀ ਧਮਕੀ ਭੇਜਣ ਦਾ ਦੋਸ਼ ਹੈ।

ਅਦਾਲਤ ਦੇ ਦਸਤਾਵੇਜ਼ਾਂ ਦੇ ਮੁਤਾਬਕ, 17 ਸਤੰਬਰ 2022 ਨੂੰ ਅਥਲੇ ਨੇ ਸਿੱਖ ਮਨੁੱਖੀ ਅਧਿਕਾਰ ਸੰਸਥਾ ਦੇ ਮੁੱਖ ਲਾਈਨ 'ਤੇ ਸੱਤ ਵੌਇਸਮੇਲ ਛੱਡੇ, ਜਿਨ੍ਹਾਂ ਵਿੱਚ ਹਿੰਸਕ ਭਾਸ਼ਾ ਅਤੇ ਗਾਲਾ ਕੱਢਿਆ ਸਨ, ਅਤੇ ਸਿੱਖ ਧਾਰਮਿਕ ਚਿੰਨਾ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਉਸ ਨੇ ਸੰਸਥਾ ਦੇ ਮੈਂਬਰਾਂ ਦੇ ਜ਼ਬਰਦਸਤੀ ਵਾਲ ਕੱਟਣ ,ਜਬਰਦਸਤੀ ਤਬਾਕੂ ਖਲਾਉਣ  ਅਤੇ ਹੋਰ ਹਾਨੀ ਪਹੁੰਚਾਉਣ ਦੀਆ ਧਮਕੀਆ ਦਿੱਤੀਆ।

ਜਾਂਚ ਦੇ ਦੌਰਾਨ, ਅਥਲੇ ਨੇ ਮਾਰਚ 2024 ਵਿੱਚ ਹੋਰ ਵੌਇਸਮੇਲ ਵੀ ਛੱਡੇ, ਜਿਸ ਵਿੱਚ ਉਸਨੇ ਮੁਸਲਮਾਨਾਂ ਅਤੇ ਯਹੂਦੀਆਂ ਦੇ ਵਿਰੁੱਧ ਧਮਕੀਆਂ ਵੀ ਦਿੱਤੀਆਂ ਸਨ। ਉਸ ਨੇ ਨਵੰਬਰ 2021 ਵਿੱਚ ਇੱਕ ਪੁਰਾਣੇ ਕੋ-ਵਰਕਰ ਨੂੰ ਵੀ ਧਮਕੀ ਭੇਜੀ ਸੀ, ਜਿਸ ਵਿੱਚ ਉਸ ਨੇ ਪਾਕਿਸਤਾਨੀਆਂ ਅਤੇ ਮੁਸਲਮਾਨਾਂ ਦੇ ਵਿਰੁੱਧ ਨਫ਼ਰਤ ਜਤਾਈ ਸੀ।

ਯੂਐਸ ਐਟਾਰਨੀ ਵਿਕਾਸ ਖੰਨਾ ਨੇ ਕਿਹਾ, "ਹਿੰਸਾ ਦੀਆਂ ਧਮਕੀਆਂ ਦੀ ਸਾਡੇ ਸਮਾਜ ਵਿੱਚ ਕੋਈ ਜਗਾ ਨਹੀਂ ਹੈ। ਹਰ ਵਿਅਕਤੀ ਨੂੰ ਆਪਣੇ ਧਾਰਮ ਦਾ ਅਭਿਆਸ ਕਰਨ ਦਾ ਹੱਕ ਹੈ ਬਿਨਾਂ ਕਿਸੇ ਡਰ ਜਾਂ ਹਿੰਸਾ ਤੋ।"

ਅਥਲੇ ਨੂੰ 15 ਸਾਲ ਤੱਕ ਦੀ ਜੇਲ੍ਹ ਅਤੇ $250,000 ਤੱਕ ਦੇ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਉਸ ਦੀ ਸਜ਼ਾ 3 ਜੂਨ ਨੂੰ ਸੁਣਾਈ ਜਾਏਗੀ।